*** navamOdhyayaH ***
shrI bhagavAnuvAcha—
idaM tu tE guhyatamaM pravakShyAmyanasUyavE |
j~nAnaM vij~nAnasahitaM yaj.h j~nAtvA mOkShyasE.ashubhAt.h || 1 ||
rAjavidyA rAjaguhyaM pavitramudamuttamam.h |
pratyakShAvagamaM dharmyaM susukhaM kartumavyayam.h || 2 ||
ashraddadhAnAH puruShA dharmasyAsya paraMtapa |
aprApya mAM nivartaMtE mR^ityusaMsAravartmani || 3 ||
mayA tatamidaM sarvaM jagadavyaktamUrtinA |
mat.hsthAni sarvabhUtAni nachAhaM tEShvavasthitaH || 4 ||
nacha mat.hsthAni bhUtAni pashya mE yOgamaishvaram.h |
bhUtabhR^inna cha bhUtasthO mamA.atmA bhUtabhAvanaH || 5 ||
yathA(S)(S)kAshasthitO nityaM vAyuH sarvatragO mahAn.h |
tathA sarvANi bhUtAni mat.hsthAnItyupadhAraya || 6 ||
sarvabhUtAni kountEya prakR^itiM yAnti mAmikAm.h |
kalpakShayE punastAni kalpAdau visR^ijAmyaham.h || 7 ||
prakR^itiM svAmavaShTabhya visR^ijAmi punaHpunaH |
bhUtagrAmamimaM kR^itsnamavashaM prakR^itErvashAt.h || 8 ||
nacha mAM tAni karmANi nibadhnaMti dhanaMjaya |
udAsInavadAsInamasaktaM tEShu karmasu || 9 ||
mayA(S)dhyakShENa prakR^itiH sUyatE sacharAcharam.h |
hEtunA(S)nEna kauntEya jagad.h viparivartatE || 10 ||
avajAnaMti mAM mUDhA mAnuShIM tanumAshritam.h |
paraM bhAvamajAnaMtO mama bhUtamahEshvaram.h || 11 ||
mOghAshA mOghakarmANO mOghaj~nAnA vichEtasaH |
rAkShasImAsurIM chaiva prakR^itiM mOhinIM shritAH || 12 ||
mahAtmAnastu mAM pArtha daivIM prakR^itimAshritAH |
bhajaMtyananyamanasO j~nAtvA bhUtAdimavyayam.h || 13 ||
satataM kIrtayAMtO mAM yataMtashcha dR^iDhavratAH |
namasyaMtashcha mAM bhaktyA nityayuktA upAsatE || 14 ||
j~nAnayaj~nEna chApyanyE yajaMtO mAmupAsatE |
EkatvEna pR^ithak.htvEna bahudha vishvatOmukham.h || 15 ||
ahaM kraturahaM yaj~naH svadhA(S)H mahamouShadham.h |
maMtrO(S)hamahamEvA(S)jyamahamagnirahaM hutaM || 16 ||
pitA(S)hamasya jagatO mAtA dhAtA pitAmahaH |
vEdyaM pavitramOMkAra R^iksAma yajurEva cha || 17 ||
gatirbhartA prabhuH sakShI nivAsaH sharaNaM suhR^it.h |
prabhavaH praLayaH sthAnaM nidhAnaM bIjamavyayam.h || 18 ||
tapAmyahamahaM varShaM nigR^ihNAmyutsR^ijAmi cha |
amR^itaM chaiva mR^ityushcha sadasachchAhamarjunaH || 19 ||
traividyA mAM sOmapAH pUtapApAH
yaj~nairiShTvA svargatiM prArthayaMtE |
tE puNyamAsAdya surEMdralOka-
mashnaMti divyAn.h divi dEvabhOgAn.h || 20 ||
tE taM bhuktvA svargalOkaM vishAlaM
kShINE puNyE martyalOkaM vishaMti |
EvaM trayIdharmamanuprapannAH
gatAgataM kAmakAmA labhaMtE || 21 ||
ananyAshchiMtayaMtO mAM yE janAH paryupAsatE |
tEShAM nityAbhiyuktAnAM yOgakShEmaM vahAmyaham.h || 22 ||
yE(S)pyanyadevatAbhaktA yajaMtE shraddhayA(S)nvitAH |
tE(S)pi mAmEva kountEya yajaMtyavidhipUrvakam.h || 23 ||
ahaM hi sarvayaj~nAnAM bhOktA cha prabhurEva cha |
natu mAmabhijAnaMti tatvEnAtashchyavaMti tE || 24 ||
yAMti dEvavratAH dEvAn.h pita n.h yAMti pitR^ivratAH |
bhUtEjyA yAMti bhUtAni yAMti madyAjinO(S)pi mAm.h || 25 ||
patraM puShpaM phalaM tOyaM yO mE bhaktyA prayachChati |
tadahaM bhaktyupahR^itamashnAmi prayatAtmanaH || 26 ||
yat.h karOShi yadashnAsi yajjuhOShi dadAsi yat.h |
yat.h tapasyasi kountEya tat.h kuruShva madarpaNam.h || 27 ||
shubhAshubhaphalairEvaM mOkShyasE karmabaMdhanaiH |
saMnyAsayOgayuktAtmA vimuktO mAmupaiShyasi || 28 ||
samO(S)haM sarvabhUtEShu na mE dvEShyO(S)sti na priyaH |
yE bhajaMti tu mAM bhaktyA mayi tE tEShu chApyaham.h || 29 ||
api chEt.h sudurAchArO bhajatE mAmananyabhAk.h |
sAdhurEva sa maMtavyaH samyag.h vyavasitO hi saH || 30 ||
kShipraM bhavati dharmAtmA shashvachChAMtiM nigachChati |
kountEya pratijAnIhi na mE bhaktaH praNashyati || 31 ||
mAM hi pArtha vyapAshrityaH yE(S)pi syuH pApayOnayaH |
striyO vaishyAstathA shUdrAstE(S)pi yAMti prAM gatim.h || 32 ||
kiM punarbrAhmaNAH puNyA bhaktA rAjarShayastathA |
anityamasukhaM lOkamimaM prApya bhajasva mAm.h || 33 ||
manmanA bhava madbhaktO madyAji mAM namaskuru |
mAmEvaiShyasi yuktvaivamAtmAnaM matparAyaNaH || 34 ||
iti navamOdhyayaH
*** paMchadashOdhyayaH ***
shrI bhagavAnuvAcha—
UrdhvamUlamadhaHshAkhamashvatthaM prAhuravyayam.h |
ChaMdAMsi yasya parNAni yastaM vEda sa vEdavit.h || 1 ||
adhaschOrdhvaM cha prasR^itAstyasya shAkhA
guNapravR^iddhA viShayapravALAH |
adhashcha mUlAnyanusaMtatAni
karmAnubaMdhIni manuShyalOkE || 2 ||
na rUpamasyEha tathOpalabhyatE
nAMtO nachA(S)dirnacha saMpratiShThA |
ashvatthamEnaM suvirUDhamUlaM
asaMgashastrENa dR^iDhEna ChitvA || 3 ||
tataH paraM tat.h parimArgitavyaM
yasmin.h gatA na nivartaMti bhUyaH |
tamEva chA(S)dyaM puruShaM prapadyE
yataH pravR^ittiH prasR^itA purANI || 4 ||
nirmAnamOhA jitasaMgadOShA
adhyAtmanityA vinivR^ittakAmAH |
dvaMdvairvimuktAH sukhaduHkhasaMj~naiH
gachChaMtyamUDhAH padamavyayaM tat.h || 5 ||
na tad.h bhAsayatE sUryO na shashAMkO na pAvakaH |
yad.h gatvA na nirvartaMtE tad.h dhAma paramaM mama || 6 ||
mamaivAMshO jIvalOkE jIvabhUtaH sanAtanaH |
manaHShaShThAnIMdriyANi prakR^itisthAni karShati || 7 ||
sharIraM yadavApnOti yachchApyut.hkrAmatIshvaraH |
gR^ihItvaitAni saMyAti vAyurgaMdhAnivA(S)shayAt.h || 8 ||
shrOtraM chakShuH sparshanaM cha rasanaM ghrANamEva cha |
adhiShThAya manashchAyaM viShayAnupasEvatE || 9 ||
ut.hkrAmaMtaM sthitaM vA(S)pi bhuMjAnaM vA guNAnvitam.h |
vimUDhA nAnupashyaMti pashyaMti j~nAnachakShuShaH || 10 ||
yataMtO yOginashchainaM pasyaMtyAtmanyavasthitam.h |
yataMtO(S)pyakR^itAtmAnO nainaM pashyaMtyachEtasaH || 11 ||
yadAdityagataM tEjO jagad.h bhAsayatE(S)khilam.h |
yachchaMdramasi yachchAgnou tat.h tEjO viddhi mAmakam.h || 12 ||
gAmAvishya cha bhUtAni dhArayAmyahamOjasA |
puShNAmi chouShadhI sarvAH sOmO bhUtvA rasAtmakaH || 13 ||
ahaM vaishvAnarO bhUtvA prANinAM dEhamAshritaH |
prANApAnasamAyuktaH pachAmyannaM chaturvidham.h || 14 ||
sarvasya chAhaM hR^idi sanniviShTO
mattaH smR^itirj~nAnamapOhanaM cha |
vEdaishcha sarvairahamEva vEdyO
vEdAMtakR^id.h vEdavidEva chAham.h || 15 ||
dvAvimou puruShou lOkE kSharashchAkShara Eva cha |
kSharaH sarvANi bhUtAni kUTastO(S)kShara uchyatE || 16 ||
uttamaH puruShastvanyaH paramAtmEtyudAhR^itaH |
yO lOkatrayamAvishya bibhartyavyaya IshvaraH || 17 ||
yasmAt.h kShamatItO(S)hamakSharAdapi chOttamaH |
atO(S)smi lOkE vEdE cha prathitaH puruShOttamaH || 18 ||
yO mAmEvasammUDhO jAnAti puruShOttamam.h |
sasarvavid.h bhajati mAM sarvabhAvEna bhArata || 19 ||
iti guhyatamaM shAstramidamuktaM mayA(S)nagha |
Etad.h budhvAbuddhimAn.h syAt.h kR^itakR^itashcha bhArata || 20 ||
iti paMchdashO adhyayaH