shankha chakra gadA padma
shaN^khachakragadApadmashArN^gakhaDgadharaM sadA |
namAmi pitaraM nitya vAsudEvaM jagat.hpatim || 1 ||
sachchidAnandarUpaM tamanAmayamanantaram.h |
EkamEkAMtamabhayaM viShNuM vishvahR^idi sthitam.h || 2 ||
nAnAsvabhAvamatyantasvabhAvEna vichAritam.h |
avishEShamanAdyantaM praNamAmi sanAtanam.h || 3 ||
kundEndusannibhaM vandE sudhArasanibhaM vibhum.h |
j~nAnamudrApustakArishaN^khAkShAyudhadhAriNam.h || 4 ||
AnandamajaraM nityamAtmEshamamitadyutim.h |
vandE vishvasya pitaraM viShNuM vishvEshvaraM sadA || 5 ||
amandAnandasandOhasantOShita jagat.htrayam.h |
nArAyaNamaNIyAMsaM vandE dEvaM sadAtanam.h || 6 ||
sUryamaNDalamaddhyasthaM varAbhayakarOdyatam.h |
sUryAmitadyutiM vandE nArAyaNamanAmayam.h || 7 ||
vishvaM vishvAkaraM vandE vishvasya prapitAmaham.h |
nAnArUpamajaM nityaM vishvAtmAnaM prajApatim.h || 8 ||
kAlAkAla vichArAdiprakAlita sadAtanam.h |
puruShaM prakR^itisthaM cha vandE viShNumajOttamam.h || 9 ||
brahmaNaH pitaraM vandE shaN^karasya pitAmaham.h |
shriyaH patimajaM nityamindrAdiprapitAmaham.h || 10 ||
pratiprati sthitaM viShNuM nityAmR^itamanAmayam.h |
shaN^khachakradharaM vandE varAbhayakarOdyatam.h || 11 ||
pratApapravishEShENa dUrIkR^itavidUShaNam.h |
vidAritArimatyantaprasannaM praNamAmyaham.h || 12 ||
apramEyamajaM nityaM vishAlamamR^itaM param.h |
kR^itanityAlayaM lOkE namasyAmi jagat.hpatim.h || 13 ||
sunityasukhamakShayyaM shuddhaM shAntaM nira~njanam.h |
lOkAlOkavichArADhyaM namasyAmi shriyaH patim.h || 14 ||
amandAnandasandOhasAndramindrAnujaM param.h |
nityAvadAtamEkAntaM pramANAtItamakShayam.h |
lOkAlOkapatiM divyaM namasyAmi ramApatim.h || 15 ||
***************
atimata tamogiri
atimata tamogirisamitivibhEdana pitamahabhUtida guNagaNanilaya |
shubhatamakathashaya parama sadOdita jagadekakAraNa rama ramaramaNA || 1 ||
vidhibhavamukhasurasatatasuvandita ramamanovallabha bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 2 ||
aparimitaguNagaNamayasharIra he vigataguNEtara bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 3 ||
agaNitasukhanidhivimalasudEha he vigatasukhEtara bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 4 ||
prachalitalayajalaviharaNa shAshvata sukhamaya mIna he bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 5 ||
suraditijasubalaviluLitamandaradhara parakUrmma he bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 6 ||
sagirivaradharataLavaha susUkara paramavibOdha he bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 7 ||
atibaladitisutahR^idayavibhEdana jaya nR^iharE.amala bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 8 ||
balimukhaditisutavijayavinAshana jagadavanAjita bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 9 ||
avijitakunR^ipatisamitivikhaNDana ramavara vIrapa bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 10 ||
kharataranishicharadahana parAmR^ita raghuvara mAnada bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 11 ||
sulaLitatanuvara varada mahAbala yaduvara pArtthapa bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 12 ||
ditisutavimohana vimalavibOdhana paraguNa buddha he bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 13 ||
kalimalahutavaha subhaga mahOtsava sharaNada kalkisha bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 14 ||
akhilajanivilaya parasukhakAraNa para puruShOttama bhava mama sharaNam.h |
shubhatamakathashaya parama sadOdita jagadekakAraNa rama ramaramaNA || 15 ||
iti tava nutivarasatataratErbhava susharaNamurusukhatIrrthamunErbhagavan.h |
shubhatamakathashaya parama sadOdita jagadekakAraNa rama ramaramaNA || 16 ||
***************
vanditAshESha
vanditAshEShavandyOruvR^indArakaM
chandanAcharchitOdArapInAMsakam.h |
indirAcha~nchalApAN^ganIrAjitaM
mandarOddhArivR^ittodbhujAbhOginam.h || 1 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
sR^iShTisaMhAralIlAvilAsAtataM
puShTaShADguNyasadvigrahOllAsinam.h |
duShTaniHshEShasaMhArakarmmOdyataM
hR^iShTapuShTAtishiShTaprajAsaMshrayam.h || 2 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
unnataprArtthitAshEShasaMsAdhakaM
sannatAlaukikAnandadashrIpadam.h |
bhinnakarmmAshrayaprANisamprErakaM
tanna kiM nEti vidvatsu mImAmsitam.h || 3 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
vipramukhyaiH sadA vEdavAdOnmukhaiH
supratApaiH kShitIshEshvaraishchArchchitam.h |
apratarkkyOrusaMvid.hguNaM nirmmalaM
satprakAshAjarAnandarUpaM param.h || 4 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
atyayO yasya kEnApi na kvApi hi
pratyayO yad.hguNEShUttamAnAM paraH |
satyasaN^kalpa EkO varENyO vashI
matyanUnaiH sadA vEdavAdOditaH || 5 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
pashyatAM duHkhasantAnanirmmUlanaM
dR^ishyatAM dR^ishyatAmityajEshArchchitam.h |
nashyatAM dUragaM sarvadA.apyAtmakaM
vashyatAM svEchChayA sajjanEShvAgatam.h || 6 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
agrajaM yaH sasarjjAjamagryAkR^itiM
vigrahO yasya sarvE guNA Eva hi |
ugra AdyO.api yasyA.atmajAgryAtmajaH
sadgR^ihItaH sadA yaH paraM daivatam.h || 7 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
achyutO yO guNairnnityamEvAkhilaiH
prachyutO.ashEShadOShaiH sadA pUrttitaH |
uchyatE sarvavEdOruvAdairajaH
svarchyatE brahmarudrEndrapUrvaiH sadA || 8 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
dhAryatE yEna vishvaM sadA.ajAdikaM
vAryatE.ashEShaduHkhaM nijaddhyAyinAm.h |
pAryatE sarvamanyairnna yat.hpAryatE
kAryatE chAkhilaM sarvabhUtaiH sadA || 9 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
sarvapApAni yat.hsaMsmR^itEH saN^kShayaM
sarvadA yAnti bhaktyA vishuddhAtmanAm.h |
sharvagurvAdinirbANa saMsthAnadaH
kurvatE karmma yat.hprItayE sajjanAH || 10 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
akShayaM karmma yasmin.h parE svarpitaM
prakShayaM yAnti duHkhAni yannAmataH |
akSharO yO.ajaraH sarvadaivAmR^itaH
kukShigaM yasya vishvaM sadA.ajAdikam.h || 11 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
nanditIrtthOrusannAminO nandinA
sandadhAnAH sadAnandadEvE matim.h |
mandahAsAruNA pAN^gadattOnnatiM
nanditAshEShadEvAdivR^indaM sadA || 12 ||
prINayAmO vAsudEvaM dEvatAmaNDalAkhaNDamaNDAnam.h
prINayAmO vAsudEvam.h || * ||
***************
avana shrIpati
avana shrIpatirapratiradhikEshAdibhavAdE |
karuNApUrNNa varaprada charitaM j~nApaya mE tE || 1 ||
suravandyAdhipa sadvara bharitAshEShaguNAlam.h |
karuNApUrNNa varaprada charitaM j~nApaya mE tE || 2 ||
sakaladhvAntavinAshana paramAnandasudhAhO |
karuNApUrNNa varaprada charitaM j~nApaya mE tE || 3 ||
trijagat.hpOta sadArchchitacharaNAshApatidhAtO |
karuNApUrNNa varaprada charitaM j~nApaya mE tE || 4 ||
triguNatIta vidhAraka paritO dEhi subhaktim |
karuNApUrNNa varaprada charitaM j~nApaya mE tE || 5 ||
maraNaprANada pAlaka jagadIshAva subhaktim.h |
karuNApUrNNa varaprada charitaM j~nApaya mE tE || 6 ||
sharaNaM kAraNa bhAvana bhava mE tAta sadA.alam |
karuNApUrNNa varaprada charitaM j~nApaya mE tE || 7 ||
taruNAdityasavarNNaka charaNAbjAmalakIrttE |
karuNApUrNNa varaprada charitaM j~nApaya mE tE || 8 ||
salilaprOtthasarAgakamaNivarNNOchchanakhAdE |
karuNApUrNNa varaprada charitaM j~nApaya mE tE || 9 ||
kajatUNInibhapAvanavarajaN^ghAmitashaktE |
karuNApUrNNa varaprada charitaM j~nApaya mE tE || 10 ||
asanOtphullasupuShpakasamavarNNAvaraNaMtE |
karuNApUrNNa varaprada charitaM j~nApaya mE tE || 11 ||
shatamOdOdbhavasundaravarapadmOtthitanAbhE |
karuNApUrNNa varaprada charitaM j~nApaya mE tE || 12 ||
ibhahastaprabhashObhanaparamOrustharamALE |
karuNApUrNNa varaprada charitaM j~nApaya mE tE || 13 ||
jagadAgUhakapallavasamakukShE sharaNAdE |
karuNApUrNNa varaprada charitaM j~nApaya mE tE || 14 ||
jagadambAmalasuMdarigR^ihavakShOvarayOgin.h |
karuNApUrNNa varaprada charitaM j~nApaya mE tE || 15 ||
ditijAntaprada chakradara gadAyugvarabAhO |
karuNApUrNNa varaprada charitaM j~nApaya mE tE || 16 ||
paramaj~nAnamahAnidhivadanashrIramaNEndO |
karuNApUrNNa varaprada charitaM j~nApaya mE tE || 17 ||
nikhilAghaughavinAshakaparasaukhyapradadR^iShTE |
karuNApUrNNa varaprada charitaM j~nApaya mE tE || 18 ||
paramAnandasutIrtthasumunirAjO harigAthAm.h |
kR^itavAn.h nityasupUrNNakaparamAnandapadaiShin.h || 19 ||
***************
udIrNNamajaraM divyaM
udIrNNamajaraM divyamamR^itasyandyadhIshituH |
Anandasya padaM vandE brahmEndrAdyabhivanditam.h || 1 ||
sarvavEdapadOdgItamindirAdhAramuttamam.h |
Anandasya padaM vandE brahmEndrAdyabhivanditam.h || 2 ||
sarvadEvAdidEvasya vidAritamahattamaH |
Anandasya padaM vandE brahmEndrAdyabhivanditam.h || 3 ||
udAramAdarAnnityamanindyaM sundarIpatEH |
Anandasya padaM vandE brahmEndrAdyabhivanditam.h || 4 ||
indIvarOdaranibhaM supUrNNaM vAdimOhanam.h |
Anandasya padaM vandE brahmEndrAdyabhivanditam.h || 5 ||
dAtR^i sarvAmaraishvaryavimuktyAdErahO varam.h |
Anandasya padaM vandE brahmEndrAdyabhivanditam.h || 6 ||
dUrAd dUrataraM yattu tadEvAntikamantikAt.h |
Anandasya padaM vandE brahmEndrAdyabhivanditam.h || 7 ||
pUrNNasarvaguNaikArNNamanAdyantaM surEshituH |
Anandasya padaM vandE brahmEndrAdyabhivanditam.h || 8 ||
AnandatIrtthamuninA harErAnandarUpiNaH |
kR^itaM stOtramidaM puNyaM paThannAnandamApnuyAt.h || 9 ||
***************