Level 4 Chaturdasha Stotra

nAkinAyakayAchanAMchanamAcharan.h kila kEvalaM

bhAskarAnvayabhAskarO bhagavAnabhUH shubhasaMpadE |

yaj~napUruSha yaj~napAlaka yaj~nasaMj~nanamO.astutE

rAma rAma ramApatE ramatAM manastvayi mE sadA || 1 ||

jAnakIM jananIM janasya purEMdirAmatisuMdarIM

raMjayan.h bhuvanaM jayan.h svaguNairnayairvinayairapi |

rAjarAjaramAM tyajan.h tR^iNavad.h vanE.aramayOmunIn.h

rAma rAma ramApatE ramatAM manastvayi mE sadA || 2 ||

nAtha mOhayatA khalAnakhilAMstvayA khalu maithilI

naiva naiva viyOginI guruyOginI sthirayOginI |

ujjagAvidamabjabhUH shapathEna tE kathayan.h kathAH

rAma rAma ramApatE ramatAM manastvayi mE sadA || 3 ||

vIramArutavikramArchita bhAnunaMdananaMdana

bhrUvilAsavishEShabhIShitavAridhE guNavAridhE |

vishvabhUShaNa shatrubhIShaNa hE vibhIShaNasakhyavan.h

rAma rAma ramApatE ramatAM manastvayi mE sadA || 4 ||

rAvaNaM janarAvaNaM suravAraNaprativAraNE

siMhamugrabalaM sharairnanu lIlayA nigR^ihItavAn.h |

sajjanAn.h karuNAkarAnugR^ihItavAn.h bhagavAn.h bhavAn.h

rAma rAma ramApatE ramatAM manastvayi mE sadA || 5 ||

shyAmalE shabaLE mahAmaNihEmabhUShaNabhAnubhiH

kOmalE.ashanisannibhairakR^itavraNE ripusAyakaiH |

nAtha nUtanayauvanE.api purANapUruShavigrahE

rAma rAma ramApatE ramatAM manastvayi mE sadA || 6 ||

ullasattilakE jagattilakE sarOjavilOchanE

pUrNachaMdranibhAnanE mitabhAShaNE smitashObhanE |

dIrghadOShmivishAlavakShasi kuMjarEMdragatE gatau

rAma rAma ramApatE ramatAM manastvayi mE sadA || 7 ||

lakShmaNAgraja lakShayEnmama vIkShaNaM tava vallabhaM

kOsalEMdra kathAmalaM kathayIta tE mama bhAratI |

rAghava shravaNaM shR^iNOtu parAkramAMstvava vikramAn.h

rAma rAma ramApatE ramatAM manastvayi mE sadA || 8 ||

rAmagItimimAM shubhAM pathatE janAya mahAdarAd.h

rAmasadguNaratnarAjasurAjirAjitamAlikAm.h |

rAma Eva ramApatI ratimAtmanaH padapadmayOH

rAti rAti parAM gatiM karuNAmR^itAMbudhirIshitA || 9 ||